“Krasnodar” “Paxtakor” bilan o‘rtoqlik o‘yini o‘tkazadi

Rossiyaning “Krasnodar” klubi 9 yanvardan mashg‘ulotlarga qaytadi.

9-10 yanvarda jamoa a’zolari tibbiy ko‘rikdan o‘tishadi. Ertasi kuni esa charter reys bilan qishki yig‘inni o‘tkazish uchun Osiyoga yo‘l oladi.

Krasnodarliklar qishki yig‘inni BAAning Abu-Dabi shahrida o‘tkazishadi. Ushbu yig‘in mobaynida Odil Ahmedovning sobiq jamoasi 2 ta nazorat uchrashuvida maydonga tushadi.

Dastlab, 22 yanvar kuni Xitoy superligasi vakili “Xenan Jiane” bilan bahs olib borsa, oradan 3 kun o‘tib Toshkentning “Paxtakor” klubi bilan kuch sinashadi.