"Lion" prezidenti: "Shaxtyor" "Manchester Siti"dan ham kuchliroq

Frantsiyaning “Lion” klubi prezidenti Jan-Mishel Olas UEFA Chempionlar ligasi guruh bosqich 2-turida “Shaxtyor”ga (2:2) qarshi bo‘lib o‘tgan o‘yindan so‘ng o‘z fikrini bildirib o‘tdi.

“Ularda braziliyalik yaxshi futbolchilar ko‘p. Biz Braziliya klubiga qarshi o‘ynagandek bo‘ldik.

“Shaxtyor” “Manchester Siti” uchun etarlicha bosh og‘riq bo‘la oladi deb o‘ylayman. Balki, “Shaxtyor” biz qarshi o‘ynagan eng yaxshi jamoadir. Menimcha ular “Manchester Siti”dan ham kuchlroq”, - deydi Olas.

Eslatib o‘tamiz, “Lion” guruhning ilk turida “Manchester Siti” ustida 2:1 hisobida g‘alaba qozongan edi.