"Liverpul"ning 17 yoshli futbolchisi tarixiy natija qayd etdi

Angliya Liga Kubogi chorak finali doirasida "Liverpul" o‘z maydonida "Lids" futbolchilari bilan kurash olib borib, 2:0 hisobida zafar quchdi. 

Uchrashuvning 67-daqiqasida zaxiradan maydonga tushgan Ben Vudbern 81-daqiqada mersisaydliklarning ikkinchi goliga mualliflik qilib, jamoaning musobaqa yarim finaliga  chiqishiga hissa qo‘shdi. 

Ben Vudbern 17 yoshu 45 kunligida gol kiritib, "Liverpul" tarixida gol kiritgan eng yosh futbolchi sifatida qayd qilindi.