MYu muxlislari Marsyalni o‘tgan oyning eng yaxshi futbolchisi deb topishdi

"Manchester Yunayted" hujumchisi Antoni Marsyal muxlislar tomonidan jamoaning yakuniga etgan oktyabr oyidagi eng yaxshi futbolchisi deb topildi. Bu haqda klub rasmiy sayti xabar bermoqda.

O‘tkazilgan so‘rovnoma yakunlariga ko‘ra 22 yoshli frantsiyalik futbolchi muxlislarning 76% ovoziga sazovor bo‘lgan. Keyingi o‘rinlar esa Viktor Lindelyof (16%) hamda Pol Pogbalarga (8%) nasib etdi.

Eslatib o‘tamiz, Marsyal oktyabr oyida premer-liganing 3ta uchrashuvida maydonga tushdi va raqiblari darvozasini 4 marta ishg‘ol etdi.