Mourino "MYu"da qoladigan va o‘ziga kerak bo‘lmagan futbolchilar nomini aytdi
"Manchester Yunayted" bosh murabbiyi Joze Mourino nihoyat germaniyalik legioner Bastian Shvaynshtaygerga imkoniyat berishini aytdi. Portugaliyalik mutaxassis Angliya kubogi doirasida "Reding"ga qarshi bo‘ladigan uchrashuvda Bastianni o‘yinga tushirishni rejalashtirgan.
- Jamoada qolishni istamagan futbolchilarni ushlab o‘tirmayman, - dedi Joze Mourino. - Bastian yangi mavsumda bir necha daqiqa o‘ynadi xolos. Lekin u mashg‘ulotlarda qattiq ishlayapti va jamoada qolish uchun kurashyapti. U o‘z ustida ko‘p ishlayapti va men uni yaxshi futbolchi sifatida tan ola boshladim.
Shuningdek, Mourino jamoada Memfis Depay va Morgan Shneyderlen uning ishonchini oqlay olmaganini ham aytdi.
- Vaziyat o‘zygarmadi va men Depay va Shneyderlandan umidimni uzdim, - deydi Joze Mourino. - Klub bu ikki futbolchini qo‘yib yuborishga tayyor. Lekin ular bo‘yicha boshqa jamoalardan jo‘yali taklif ham yo‘q.
Angliya kubogi doirasidagi "Manchester Yunayted" - "Reding" uchrashuvi bugun bo‘lib o‘tadi.
Fikrlar