Neymar "Manchester Yunayted"ga qarshi bahsni o‘tkazib yuborishi ma’lum bo‘ldi

Frantsiyaning PSJ klubi forvardi Neymar "Manchester Yunayted"ga qarshi EChL 1/8 final dastlabki uchrashuvini o‘tkazib yuboradi. Bu haqda RMC Sport xabar bermoqda.

Unga ko‘ra 24 yanvar kuni “Strasburg”ga (2:0) qarshi o‘yinda jarohat olgan 26 yoshli braziliyalik futbolchi “Old Trafford”da bo‘ladigan o‘yingacha sog‘aymasligi ma’lum bo‘ldi.

Eslatib o‘tamiz, "Manchester Yunayted" – PSJ uchrashuvi 12 fevral kuni bo‘lib o‘tadi.

Ma’lumot uchun, Neymar joriy mavsum parijliklar safida jami 23ta o‘yinda maydonga tushdi va 20ta gol hamda 10ta golli uzatmaga mualliflik qildi.