"Real" rasman Kurtuaning transferini e’lon qildi (FOTO)

Londonning "Chelsi" klubi darvozaboni Tibo Kurtua rasman "Real" a’zosiga aylandi. Bu haqda madridliklar rasmiy sayti xabar bermoqda.

Unga ko‘ra “qirollik klubi” 26 yoshli belgiyalik futbolchi uchun “aristokratlar”ga 35 million evro to‘lagan. Kurtua esa yangi jamoasi bilan 2024 yilga qadar shartnoma imzolagan.

Ma’lumot uchun, Tibo Kurtua “Chelsi” safida 2011 yildan buyon to‘p surib kelayotgan edi.  U o‘tgan davr mobaynida londonliklar tarkibida jami 154ta o‘yinda, Belgiya terma jamoasida esa 65ta o‘yinda maydonga tushgan.