"Real" yana bir himoyachisini sotib yubormoqchi

Madridning "Real" klubi joriy transferlar davrida yana bir himoyachisini sotuvga qo‘ymoqchi.

Goal internet nashri tarqatgan xabarga ko‘ra “qirollik klubi” "Real Sosedad"ga o‘tishga yaqin turgan himoyachi Teo Ernandesning ortidan o‘tgan mavsumni Lissabonning “Sporting” klubida o‘tkazgan himoyachi Fabiu Koentrauni ham sotishga axd qilgan.

Ma’lumotlarga ko‘ra madridliklar 30 yoshli portugaliyalik futbolchiga o‘ziga yangi jamoa topishi kerakligi borasida ogohlantirishgan.