Sanjar va Farrux Axshobodda medallar uchun kurashadi

Ashxobod shahrida bo‘lib o‘tayotgan yopiq inshootlarda va jang san’atlari bo‘yicha V Osiyo o‘yinlarida tennis bahslari ham o‘zining qizg‘in pallasiga kirdi.

Hamyurtimiz Sanjar Fayziev chorak final bosqichida gongkonglik Xong Kitga qarshi kortga chiqdi. Qiyin kechgan bahsda Sanjar 6:7, 6:4, 6:4 hisobida g‘alaba qozondi.

Endi Fayziev yarim finalda qozog‘istonlik va xindistonlik tennichidan biri bilan ro‘baro keladi.

Ilgariroq, Farrux Do‘stov qozog‘istonlik Denis Evseevni 6:2, 6:3 hisobida mag‘lub etgan holda, yarim finalga chiqqan edi.

Unga final uchun kechadigan o‘yinda xindistonlik Sumit Nagal raqiblik qiladi.