Ulug‘bek Baqoev “Buxoro”ga bosh murabbiy bo‘lishi mumkin

Xabaringiz bor, ayni damda “Buxoro” klubida tubdan o‘zgarishlar kuzatilmoqda. oldiniga bosh murabbiy Jamshid Saidov va maslahatchi Tachmurad Agamurodov o‘z lavozimidan ozod etilgan edi. Shundan so‘ng klubning etakchi futbolchilari ham jamoani birin-ketin tark eta boshladi.

Klub rahbariyati esa bo‘sh qolgan o‘rinlarni to‘ldirish maqsadida yangidan yangi nomzodlarni ko‘rib chiqmoqda. SPORTS.uz internet axborot portaliga ma’lum bo‘lishicha, O‘zbekiston terma jamoasi sobiq hujumchisi Ulug‘bek Baqoev “Buxoro” klubida bosh murabbiylikka asosiy nomzod sifatida qaralmoqda.

Kecha ushbu lavozimga Vadim Abramov taklif etilgan edi, biroq tomonlarning muzokaralari yakuniga etganicha yo‘q.