Venger mavsum yakunida "Arsenal"ni tark etadi

“Arsenal” klubi bosh murabbiyi Arsen Venger o‘z lavozimini tark etadi.

68 yoshli frantsiyalik mutaxassis mavsum yakunida London klubini tark etishini ma’lum qildi.

– Yaxshilab o‘ylab ko‘rdim va klub rahbariyati bilan uzoq muzokaradan so‘ng ketish vaqti kelganini tushundim. Mavsum yakunida “Arsenal”dagi bosh murabbiylik lavozimimni topshiraman.

– Bu klubga uzoq yillar davomida xizmat qilish men uchun sharaf bo‘ldi. Barcha muxlislar “Arsenal” uchun qayg‘uradi. Men ularni doim yaxshi ko‘rib qolaman, – deyiladi Vengerning arizasida.

Venger “Arsenal”da 1996 yildan beri ishlab keladi. U uch marta klub bilan Angliya chempioni, 7 marta kubok sohibi va 7 marta Superkubogini qo‘lga kiritgan. 3 marta APLda eng yaxshi murabbiy va 4 marta Evropada yil murabbiyi bo‘lgan.