Anchelotti "Real"ning buguni va kelajagi haqida gapirdi

"Real" klubi bosh murabbiyi Karlo Anchelotti "Malorka"ustidan qozonilgan g‘alabadan so‘ng jamoaning yarim himoyachilari haqida gapirdi.

"Valverde, Kamavinga, Blanko kabi futbolchilar bor ekan "Real"ning kelajagidan hotirjam bo‘lishimiz mumkin.

Xuddi shu gap hozirgi davrga ham tegishli. Bizda Kross, Kazemiro va Modrich bor va bizning yarim himoyachilar har taraflama kuchli", - dedi Anchelotti.

Eslatib o‘tamiz, "qirollik klubi" ayni damda 5 tur yakuniga ko‘ra, La Liga turnir jadvalida birinchi o‘rinda egallab turibdi.