"Andijon" bugun "Qizilqum" bilan o‘ynaydi

Ayni damda bir qator Super va Pro liga jamoalari Toshkentda yangi mavsumga tayyorgarlik ko‘rmoqda.

Hususan, mavsumni Superligada boshlaydigan Navoiyning “Qizilqum” klubi bugun Pro ligada o‘z oldiga jiddiy maqsadlarni qo‘yayotgan “Andijon”ga qarshi nazorat uchrashuvida maydonga tushadi. Uchrashuv soat 12:00da “Do‘stlik” stadionida boshlanadi.

Eslatib o‘tamiz, andijonliklar bundan avvalgi o‘rtoqlik uchrashuvida “Buxoro”ga yirik 4:0 hisobida imkoniyatni boy berib qo‘yishgan edi. “Qizilqum” futbolchilari esa “Qo‘qon-1912” bilan 0:0 hisobida nursiz durang qayd etishgan edi.