Andre Shyurrle faoliyatini Italiyada davom ettirishi mumkin

“Borussiya” Dortmund bilan shartnomasi bekor qilingach, erkin agentga aylangan hujumchi Andre Shyurrle faoliyatini Italiyada davom ettirishi mumkin.

Football Italia tarqatgan xabarga ko‘ra, 29 yoshli futbolchiga yangi mavsumni A Seriyada boshlaydigan "Benevento"dan jiddiy qiziqish bo‘lmoqda.

Eslatib o‘tamiz, Shyurrle joriy mavsumni “Spartak” Moskva safida ijarada o‘tkazdi va 18 ta o‘yinda maydonga tushib, o‘z hisobiga 2 ta gol hamda 4 ta golli uzatmaga mualliflik qildi.