Anzur Ismoilov "Paxtakor" bilan shartnoma imzoladimi?

Yakunlangan mavsumni "Lokomotiv" klubida o‘tkazgan Anzur Ismoilov faoliyatini boshqa jamoada davom ettirishi mumkinligi borasida xabarlar tarqalgandi. Bunga oydinlik kiritish maqsadida SPORTS.uz muxbiri futbolchi bilan intervyu tashkil etdi.

Himoyachi "Paxtakor" va boshqalar tomonidan o‘ziga bo‘layotgan qiziqishlar borasida shunday dedi:

- Ha, muzokara o‘tkazayotgan jamoalarimiz bor. Ammo biz hali bir nuqtaga kelganimiz yo‘q. Hozircha, gaplashyapmiz. Bilasizmi, menga Xitoydan ham, Tailanddan ham yaxshi takliflar bo‘lyapti. Biroq men ko‘proq uyda qolishni xohlayapman. Bilmadim, nima bo‘larkin? Menimcha, tez orada hammasi hal bo‘ladi deb o‘ylayman.

Anzur Ismoilov: Xorijdagi takliflarga jiddiy qaramayapman, chunki...

"Paxtakor"? - To‘g‘risi, hozir bu haqida biror nima ayta olmayman. Menga ozgina vaqt kerak. Keyingi rejalarim hal bo‘lish arafasida turibdi. Nasib qilsa, tez orada barchasi oydinlashib qoladi, - dedi Anzur Ismoilov.