APLda yana bir yulduzli jamoa paydo bo‘lishi mumkin

Angliyaning "Nyukasl" klubi yaqinlashib kelayotgan yozgi transferlar davrida bir qator yirik xaridlarni amalga oshirishi kutilmoqda.

The Sun nashri tarqatgan xabarga ko‘ra, “qarg‘alar” yangi mavsum oldidan "Napoli" himoyachisi Kalidu Kulibali, "Betis" xavbeki Nabil Fekir va PSJ forvardi Edinson Kavanini tarkibga jalb etmoqchi.

Aytish kerakki, birgina Kulibalining o‘zi 80 mln evro turadi. Lekin, tez orada jamoani Saudiya Arabistoni valiahd shahzodasi Muhammad bin Salman sotib olishini inobatga olsak, bu arzimasdek tuyuladi.