Arda Gyuler: "Jud bilan birga o‘ynash menga juda yoqadi"

"Real" yarim himoyachisi Arda Gyuler Jud Bellingem bilan bir jamoada to‘p surish haqida fikr bildirdi.

"U bilan birga o‘ynash menga juda yoqadi. Shuningdek, Tchuameni va Kamavinga bilan ham — ularning har biri maydonda mo‘’jizalar yarata oladi. Biz Judning safga qaytganidan juda xursandmiz", — dedi turk futbolchisi jurnalist Arlind Sadikuga.

Eslatib o‘tamiz, Bellingem yangi mavsum boshida elkasidagi jarohati sababli bir necha o‘yinni o‘tkazib yuborgan edi. U barcha musobaqalarda 7 marta maydonga tushib, 1 ta gol urgan. Gyuler esa 12 ta bahsda ishtirok etib, 3 gol va 5 ta golli uzatma bilan jamoasiga yordam bergan.

26 oktyabr kuni "Real" o‘z maydonida La Liganing 10-tur doirasida "Barselona"ni qabul qiladi. Uchrashuv Toshkent vaqti bilan 20:15'da boshlanadi.