“Arsenal” bosh murabbiyligiga sakkiz mutaxassis da’vogar

“Arsenal” rahbariyati jamoa o‘tgan mavsumni muvaffaqiyatsiz o‘tkazgan va yangi chempionatni ham bo‘sh boshlagani bois, bosh murabbiy Mikel Artetani iste’foga chiqarmoqchi.

Klub tarkibni kuchaytirish uchun 250 million evro sarflaganiga qaramay, jamoa kutilgan o‘yinni namoyish qila olmayapti.  

Ayni paytda “kanonirlar” ispaniyalik mutaxassis o‘rniga jamoani qabul qilib oladigan murabbiylar ro‘yxatini shakllantirish bilan band.

Hozircha, London klubidan taklif olishi mumkin bo‘lgan murabbiylar orasida Brendan Rojers, Eddi Xau, Antonio Konte, Ralf Xayzenxyuttl, Roberto Martines, Jan Pero Gasperini, Paulo Fonseka va Freddi Yungberg bor.