"Arsenal" himoyachi qancha muddat o‘z jamoasiga yordam bera olmaydi?

Londonning "Arsenal" klubi himoyachisi Ben Uayt qancha muddatga safdan chiqqani ma’lum bo‘ldi. Bu haqda BBC nashri xabar bermoqda.

Manba bergan ma’lumotga ko‘ra, tekshiruv natijalaridan so‘ng futbolchining tiklanishi uchun 4 haftadan 6 haftagacha vaqt kerakligi ma’lum bo‘ldi. Himoyachi "Vulverxempton"ga qarshi uchrashuvning 31-daqiqasida tizza osti payidan jarohat olib, maydoni tark etgandi. 

Eslatib o‘tamiz, angliyalik himoyachi joriy mavsum Arteta qo‘l ostida 11 ta uchrashuvda maydonga tushgan va 1 ta golli uzatmani o‘z nomiga yozdirib qo‘ygan.