Arteta: "Gvardiolaning menga ilk bor qo‘ng‘iroq qilganini yaxshi eslayman..."

"Arsenal" bosh murabbiyi Mikel Arteta ustozi Xosep Gvardiola borasidagi xotiralarni esladi. 

"Gvardiolaning menga ilk qo‘ng‘iroq qilganini yaxshi eslayman. "Men Angliyaga borishim mumkin. Yordamchim bo‘lishni istaysanmi?", - degandi u. 

Men unga hali futbol o‘ynayotganimni va bunga erta ekanini aytdim. Aslida, Pep bilan 15 yoshligimdayoq ko‘rishganman. U mening kumirim edi. 

U "Barselona" va "Bavariya"da ishlab yurgan kezlarida mendan ingliz jamoalari haqida ko‘p so‘rab turardi. Ularga qarshi qanday o‘ynash mumkinligi to‘g‘risida maslahatlar so‘rardi.

U men bilgan eng kuchli mutaxassislardan biri. Bunga boshqalar ham qo‘shilsa kerak", - dedi ispaniyalik mutaxassis.