Azar yana jarohat oldi

"Real" yarim himoyachisi Eden Azar yana jarohat oldi. Bu haqda klub rasmiy sayti xabar tarqatmoqda.

Yuqoridagi manbaga ko‘ra, 30 yoshli belgiyalik futbolchining sog‘ayishi uchun taxminan 3-6 hafta muddat talab etiladi. Shu sababli Azar 24 fevral kuni EChL 1/8 finalidan o‘rin olgan "Atalanta"ga (24 fevral) qarshi bahsni o‘tkazib yuborishi mumkin.

Eden Azar joriy mavsum “Real” safida jami 13 ta o‘yinda maydonga tushdi va 3 ta gol urdi. Uning klub bilan amaldagi shartnomasi 2024 yilga qadar imzolangan.