Azarning mashinasi jamoadoshlarini hayratga soldi

“Real” yarim himoyachisi Eden Azar mashg‘ulotga yangi qimmatbaho ulovda kelgani jamoadoshlari va muxlislar e’tiborini tortdi.

Belgiyalik futbolchi Madrid klubida ishlari ko‘ngildagidek kechmayotganiga qaramay, o‘zini o‘zi xursand qilmoqda. U yaqinda Lamborghini Aventador rusumli mashina xarid qildi. Bu model 575 ming dollar turadi. Mashinaning maksimal tezligi soatiga 350 kilometrga teng va u soatiga 100 kilometr tezlikka ega bo‘lish uchun atigi 2,8 soniya vaqt sarflaydi.

Azar joriy mavsumda “Real” tarkibida barcha turnirlarda atigi 19 ta o‘yin o‘tkazdi xolos.