"Barsa" braziliyalik futbolchi bilan kelishuvga erishdi

"Barselona" "Lids" vingeri Rafinyani o‘z safiga qo‘shib olish niyatida. 

"Uol" nashri bergan xabarga ko‘ra, kataloniyaliklar braziliyalik futbolchi uchun 55 million va yana 10 million evro bonus taklif qilgan. 

Manbaning xabariga ko‘ra, "ko‘k-anorranglilar" 25 yoshli futbolchi bilan 5 yillik shartnoma borasida kelishib olgan. 

Joriy mavsumda Rafinya APL doirasida 34 ta o‘yinda maydonga tushib, 10 ta gol hamda 3 ta golli uzatmaga mualliflik qilgan.