"Barselona" joriy hafta Grizmanning transferini e’lon qiladi

Madridning "Atletiko" klubi hujumchisi Antuan Grizmann yaqin kunlar ichida "Barselona"ga ko‘chib o‘tadi.

ESPN nashri tarqatgan xabarga ko‘ra kataloniyaliklar frantsiyalik futbol yulduzining transferi bo‘yicha ishlarni yakunlashgan va joriy haftada bu borada rasman e’lon qilishadi.

Ma’lumot uchun, Grizmann “Atletiko” safida 2014 yildan buyon to‘p surib kelayotgan edi. U o‘tgan mavsum 48ta o‘yinda maydonga tushdi va 21ta gol hamda 12ta golli uzatma yozdirib qo‘yishga erishgan.