“Barselona” Levandovski va Yamalni yarashtirib qo‘ydi. Ular nega ziddiyatga borgandi?

“Barselona” bosh murabbiyi Xans-Diter Flik jamoaning ikki etakchisi – tajribali to‘purar Robert Levandovski va yosh iqtidor egasi Lamin Yamalni yarashtirib qo‘ydi.

Sport.es saytining ma’lum qilishicha, o‘tgan mavsum ikki o‘yinchining munosabati buzilgandi. Polshalik hujumchi qulay vaziyatda turganiga qaramay, unga to‘pni uzatmay o‘zi zarba bergan Yamalni keskin tanqid qilgan.

Lamin esa, Robert jamoa etakchisiga yarashmaydigan ish qilganini ta’kidlagan edi. Shundan beri ikki o‘yinchi o‘rtasida munosabat buzilgandi.

Xans-Diter Flik Levandovski bilan suhbat o‘tkazib, jamoa yoshlari bilan ishlashda o‘ziga yordam berishga ko‘ndirgan va boshqa futbolchilar 36 yoshli polshalik hujumchiga ko‘proq to‘p uzatishini tayinlashini bildirgan. Shu tariqa, jamoadagi muhit ancha o‘nglangani aytilmoqda.