“Barselona”ga yangi prezident saylandi

“Barselona”ning sobiq rahbari Joan Laporta yana prezidentlik saylovida g‘olib chiqdi va Kataloniya superklubini boshqaradigan bo‘ldi.

U saylov jarayonida ikki nomzod – Viktor Font va Toni Freyshani ortda qoldirdi. Saylovchilarning 54,28 foizi, ya’ni 30184 nafari Laportaga ovoz berdi.

Joan Laporta klubning muvaffaqiyatsizliklarida asosiy aybdor, deb hisoblangan va o‘tgan yili kuzda iste’foga chiqarilgan Xosep Mariya Bartomeudan qolgan lavozimda ish boshlab, klubni murakkab vaziyatdan olib chiqishga harakat qiladi.