"Barselona"ning umidli futbolchisiga "Chelsi"dan "yog‘li" taklif kelib tushdi

"Barselona" himoyachisi Ronaldu Arauxo yozda jamoasini o‘zgartirishi mumkin. Bu haqda "Diario Sport"  nashri xabar berdi. 

Urugvaylik himoyachiga "Chelsi" qiziqish bildirmoqda. "Aristokratlar" 22 yoshli futbolchini Antonio Ryuligerga o‘rinbosar sifatida ko‘rmoqda. Uning "ko‘k-anorranglilar" bilan amaldagi shartnomasi 2023 yilning yozida yakuniga etadi.

London klubi futbolchi bilan bog‘lanib, unga "Barselona"dan ikki baravar ko‘proq pul tulashga tayyor ekanligi haqida xabar berdi. 

Kataloniyaliklar ayni vaqtda Ronaldga yillik 3 million evro maosh taklif qilyapti. U mazkur taklifga rozi bo‘lmagan taqdirda, yozda jamoani tark etadi.