"Bavariya" "Barselona" darvozaboniga qiziqish bildirmoqda

Kataloniyaning “Barselona” klubi darvozaboni Yasper Silessen “Bavariya”ning jiddiy qiziqishlariga sabab bo‘la boshladi.

Myunxenliklar rahbariyati jamoaning asosiy posboni Manuel Noyerning 2018 yil so‘nggiga qadar ham safga qayta olmasligidan havotirga tushmoqda. Shu bois, nemis grandi yozda o‘z safiga iqtidorli darvozabon olib kelishni rejalashtirmoqda. “Bavariya” uchun Mark-Andre ter Shtegen bu borada eng ma’qul tanlov bo‘lar edi, biroq, myunxenliklar germaniyalik futbolchi uchun “Barselona”ga 170 mln evro tovon puli to‘lash imkoniyatiga ega emas.

Shu bois ular aynan Yasper Silessen nomzodiga to‘xtalishmoqda. Uning transferi “Bavariya”ga tahminan 60 mln evroga tushishi mumkin.