"Bavariya" qiyinchilik bilan g‘alaba qozondi

Bundesliga 15-turidan o‘rin olgan "Bavariya" - "Maynts" uchrashuvi yakuniga etdi. Mazkur o‘yinda myunxenliklar 2:1 hisobida raqibdan ustun keldi. 

Dastlab, mehmonlar futbolchisi Onisivo hisobni ochdi. Bahsning ikkinchi bo‘limida Koman va Musialaning urgan gollari o‘yin taqdirini hal qildi. 

Ushbu g‘alabadan so‘ng Myunxen klubi hisobidagi ochkolar sonini 37 taga etkazib oldi. Ayni damda ular Germaniya chempionatida yaqqol peshqadam hisoblanadi. 21 ochkosi bor "Maynts" esa 8-pog‘onadan joy olgan.