"Bavariya"da kutilmagan muammo paydo bo‘ldi

“Bavariya”ning to‘rt nafar futbolchisi koronavirusga chalindi. Bular darvozabon Manuel Noyer, himoyachi Omar Richards va yarim himoyachilar Kingsli Koman hamda Korantin Tolisso.

Shuningdek, murabbiylar shtabi azosi Dino Toppmellerda ham infektsiya aniqlangan. Myunxen klubining barcha nomi tilga olingan vakillari o‘z uylarida izolyatsiya qilingan.

Shuning uchun mavsumning ikkinchi qismiga tayyorgarlik dastlab rejalashtirilganidek 2 yanvardan emas, 3 yanvardan boshlanadi. Futbolchilar, murabbiylar va xodimlar 3 yanvar kuni ertalab koronavirusga qarshi test topshiradi.