Baxtiyor Ashurmatov: "Surxon" g‘alabani ko‘proq xohladi"

“Surxon” – “Qo‘qon-1912” (1:0) jamoalari o‘rtasidagi uchrashuvdan so‘ng, mehmonlar ustozi Baxtiyor Ashurmatov o‘z fikrlarini quyidagicha bildirdi.

- Bugun olti ochkolik o‘yin edi. Tan olish kerak, oxirgi 10-15 daqiqani hisobga olmasak, “Surxon” jamoasi ishtiyoqi ko‘proq, yakka kurashlarda kuchliroq, g‘alabaga chanqoq holda o‘ynadi.

Yigitlarimizga bu uchrashuv biz uchun muhim ekanini ta’kidlagandim. Lekin “Surxon” yuqorida aytgan xislatlar bo‘yicha kuchlilik qildi. O‘ylaymanki, ular g‘alabani ko‘proq xohlashdi va shu sababli yutuqqa erishishdi.