Boks: Jahon chempionatining eng ko‘p yarim finalchisi qaysi mamlakatdan?

Ekaterinburgda boks bo‘yicha jahon chempionati eng qizg‘in pallasiga etib keldi. Bundan buyog‘iga bir-biridan keskin janglarning guvohi bo‘lishimiz aniq. Bugungi o‘tkazilgan janglardan so‘ng, yarim finalga besh nafar bokschimiz yo‘l oldi. Bular, Shahobiddin Zoirov 52 kg, Miraziz Mirzahalilov 57 kg, Bobousmon Boturov 69 kg, Dilshodbek Ro‘zmetov 75 kg va Bahodir Jalolov +91. Bu borada terma jamoamiz ikkinchi o‘rinni qayd etmoqda. Bu bosqichga eng ko‘p qozog‘istonlik charmqo‘lqop ustalari etib kelishgan. Yon qo‘shnilarimizning olti nafar vakili, Saken Bibosinov 52 kg, Abilayxan Jusupov 69 kg, Tursunboy Qulaxmet 75 kg, Bekzat Nurdauletov 81 kg, Vasiliy Levit 91 kg, Qamshibek Ko‘nkabaev +91 kgda yarim finalga yo‘l oldilar. Shuningdek, Buyuk Britaniyadan to‘rt nafar, Rossiya va Kubadan uch, Hindistondan ikki, Braziliya, Filippin, Armaniston, Avstraliya, Bolgariya, Mo‘g‘uliston, AQSh, Frantsiya va Ekvadordan bir nafar bokschilar o‘z yurishini davom ettirishmoqda.