"Bunyodkor" nemis klubidan ustun keldi

Turkiyaning Antaliya shahrida o‘quv-yig‘in mashg‘ulotlarini o‘tkazayotgan "Bunyodkor" navbatdagi sinov-nazorat bahsida maydonga tushdi. Unda "qaldirg‘ochlar"ga Germaniyaning SSV "Ulm" klubi qarshilik ko‘rsatdi. Ushbu bellashuvda vakillarimiz 2:1 hisobida zafar quchdi. 

"Bunyodkor" tarkibida Shohruh Abdurahmonov hamda Farhod O‘tkirov gol urgan bo‘lsa, raqib jamoaning yagona goli Lukas Ruzer tomonidan kiritildi.