"Buxoro" Superliga jamoasini mag‘lub etdi

Toshkentda yig‘in o‘tkazayotgan “Buxoro” o‘rtoqlik uchrashuvlarini o‘tkazishda davom etyapti. 12 fevral kuni “Qo‘qon-1912”ga 1:2 hisobida yutqazib qo‘ygan buxoroliklar bugun Superliganing yana bir jamoasi – “Surxon”ga qarshi maydonga tushishdi.

Mazkur to‘qnashuvda Hakim Fuzaylov boshchilik qilayotgan “Buxoro”ning qo‘li baland keldi – 2:0. Ikkala gol ham ikkinchi bo‘limda kiritildi. 50-daqiqada Fayzulla Jumanqo‘ziev, 78-daqiqada esa Firdavs Asadov tomonidan kiritilgan gollar o‘yin taqdirini hal qildi.

“Buxoro”: Nikola Stoshich, Obid Jo‘raboev, Jasur Hasanov, Dmitro Sidorenko, Mirjalol Jumaev, Xurshid Olimov, Oleg Marchuk, Sardor Eminov, Sobit Sindarov, Rustam Abduhamidov, Firdavs Asadov.

Zaxirada: Sardor Qobuljonov, Shavkat Salomov, Sardor Izzatov, Bekzod Saidov, Jamoliddin Ubaydullaev, Bobur Omonov, Fayzulla Jumanqo‘ziev, Suhrob Ne’matov.