Buxoroda super jang kechasi tashkil etiladi!

16 iyul kuni Buxoro shahri ajoyib MMA kechasiga mezbonlik qiladi. Ya’ni, Rossiyaning Open FC hamda ATF Championship promousheni hamkorlikda super jang kechasini tashkil etmoqda.

Markaziy jang “The Motivator” nomi bilan mashhur sobiq ASA promousheni chempioni, rossiyalik fahriy jangchi Marat Balaev va yana bir Rossiya vakili Magomed Rasulov o‘rtasida bo‘lib o‘tadi. Shuningdek ushbu jang kechasida qirg‘izistonlik Edil Esengulov, hamyurtlarimiz Sharif Kushaev va Abduqodir Abduvorisovlar ham oktagonga ko‘tarilishi kutilmoqda. Bir so‘z bilan aytganda, qiziqarli janglarni guvohiga aylanamiz.