"Chelsi" ispaniyalik hujumchini o‘z tarkibiga qo‘shib olish arafasida

"Chelsi" "Atletiko" hujumchisi Samu Omorodionni o‘z tarkibiga qo‘shib olishga yaqin kelmoqda.

Fabritso Romano xabar berishicha, tomonlar kelishuvga erishdi. Hujumchi transferi uchun "aristokratlar" 40 million evro to‘laydi. Shartnoma 7 yillik qilib belgilanadi. 

Omorodion 2023 yilda "Granada"dan 6 million evroga sotib olingan bo‘lib, o‘tgan mavsumni "Alaves"da o‘tkazdi. U jamoa tarkibida 36 ta o‘yinda maydonga tushib, 10 ta golda ishtirok etgan.