“Chelsi” yangi darvozabon olyapti

O‘tgan mavsumda avvalgilariga qaraganda ko‘p gol o‘tkazgani uchun Kepa Arrisabalagadan voz kechishga qaror qilgan Frenk Lempard Angliyaning o‘zidan yosh va iste’dodli darvozabon olish harakatiga tushdi.

Londonliklar ko‘z tikayotgan Din Xenderson “Manchester Yunayted” bilan shartnomani uzaytirganidan keyin, “Chelsi” e’tiborini Angliya terma jamoasiga nomzod bo‘lgan yana bir golkiper – Nik Poupga qaratdi.  Ayni paytda “Chelsi” ushbu darvozabonni olish yo‘llarini  qidirmoqda.

Nik Poup o‘tgan mavsumda 38 ta uchrashuvdan 10 tasida o‘z darvozasi daxlsizligini saqlab qoldi.