Chigrinskiy "Barselona"ning eng omadsiz transferi deb topildi

Ispaniyaning Marca nashri jurnalisti “Barselona”ning so‘nggi yillardagi eng omadsiz transferini aniqlash maqsadida o‘quvchilar o‘rtasida o‘ziga hos so‘rovnoma o‘tkazdi.

Bu borada Dmitriy Chigrinskiy yaqqol ajralib qoldi. Boisi, so‘rovnomada ishtirok etganlarning 36 foizi aynan unga ovoz berishgan. Bu borada ikkinchi va uchinchi o‘rinlarni Duglas (19%) hamda Keyrrisonlar egallashdi (16%). Beloruslik Aleksandr Glebga esa o‘quvchilarning 5 foizi ovoz berishgan.

Eslatib o‘tamiz, Chigrinskiy “Barselona” safiga 2009 yil Donetskning “Shaxtyor” klubidan 25 mln evro evaziga kelib qo‘shilgan edi.