Daxshat! "Real" 300 mln evrolik transferni amalga oshirishga yaqin

PSJ hujumchisi Kilian Mbappe yozda "Real"ga o‘tishi aniq edi. Biroq koronavirus pandemiyasi tufayli yuzaga kelgan moliyaviy inqiroz bunga to‘sqinlik qilishi mumkin. Futbolchining shu yili yozda Madridga ko‘chib o‘tish imkoniyati bor edi. Mbappega yaqin futbol agenti Mark Ivan Le Mee tomonlar kelishuvga juda yaqinligini aytdi.

- Mbappe hamyurti Zidan qo‘l ostida "Real"da o‘ynashni va dunyoning eng yaxshi hujumchisi bo‘lishni xohlaydi. Agar hammasi joyida bo‘lganida biz uning yozda "qirollik klubi"ga o‘tishini muhokama qilishimiz mumkin edi. Ammo hozir madridliklar Mbappe uchun belgilangan 300 million evroni to‘lay olmaydilar, - dedi Mark Ivan Le Mee L`Equipe nashriga bergan intervyusida.