De Ligt: "Bu sharmandalik. Hakam mendan xato qilganini tan olib, uzr so‘radi"

Chempionlar ligasi yarim finalidan o‘rin olgan "Real" - "Bavariya" uchrashuvida madridliklar superkambek amalga oshirib, finalga yo‘l oldi. 

Uchrashuvga qo‘shib berilgan daqiqalar o‘tib borayotgan bir paytda myunxenliklar hujumga o‘tishdi va yordamchi hakam bayroqchasini ko‘tardi. Shu paytda esa De Ligt darvozani ishg‘ol qildi, lekin gol hisobga olingani yo‘q. 

O‘yindan keyin niderlandiyalik himoyachi bu haqida o‘z fikrlari bilan o‘rtoqlashdi:

"Bu sharmandalik. Hakam mendan xato qilganini tan olib, uzr so‘radi. Men har doim bu stadionning o‘z referilari bor, demaganman, lekin bugun unday fikrda emasman", - dedi De Ligt.