Dilshodbek Ro‘zmetov Osiyo chempionatidagi debyutini omadli o‘tkazdi

Bangkok shahrida boks bo‘yicha Osiyo chempionatining uchinchi kun bellashuvlari davom etmoqda. Ushbu kun doirasida -81 kilogramm vazn toifasida yurtimiz sharafini himoya qilayotgan Dilshodbek Ro‘zmetov ham dastlabki jangini o‘tkazdi.

Vakilimiz hindistonlik Brijesh Yadavga qarshi bahs olib bordi. Keskin va murosasiz kechgan ushbu qarama-qarshilik hamyurtimizning g‘alabasi bilan yakunlandi va Ro‘zmetov chorak finalga yo‘l oldi. Yurtdoshimiz yarim final yo‘lida qozog‘istonlik Bek Nurmaganbetga qarshi ringga chiqadi, deya xabar bermoqda MOQ.