Dzyudo. Terma jamoamiz etakchisi jahon chempionatini o‘tkazib yuboradi!

Xabaringiz bor, joriy yilning 7-14 may kunlari Qatar poytaxti Doha shahrida dzyudo bo‘yicha kattalar o‘rtasida navbatdagi jahon chempionati bo‘lib o‘tadi.

Ayni kunlarda O‘zbekiston terma jamoasi a’zolari ushbu dunyo birinchiligiga tayyorgarlik ko‘rishmoqda. Afsuski, amaldagi jahon chempioni – Davlat Bobonov Yaponiyadagi mashg‘ulotlar jarayonida belidan jarohat olgan va shu sababli Dohadagi jahon chempionatini o‘tkazib yuboradi.