Dzyudo. Vakillarimiz Avstriyaga jo‘nab ketdi

Dzyudo bo‘yicha O‘zbekiston ayollar terma jamoasining olti nafar a’zosi Avstriya yig‘inida ishtirok etish uchun jo‘nab ketishdi.

Gras shahridagi xalqaro o‘quv-mashg‘ulot yig‘ini 6-9 iyun kunlariga belgilangan. Shundan so‘ng, yoshlar va kattalar terma jamoamiz Xorvatiyaning Porech shahrida tashkil etiladigan xuddi shunday xalqaro mashg‘ulotlarga yo‘l oladi. Xorvatiyadagi o‘quv-mashg‘ulot yig‘ini 12-19 iyun kunlari bo‘lib o‘tadi.

Bugun Avstriya yig‘iniga Diyora Keldiyorova, Gulnoza Matniyazova, Gulnur Muratbaeva, Sita Kadambaeva, Nilufar Ermaganbetova va Sevinch Isoqovalar jo‘nab ketdi. Delegatsiya tarkibidan shifokor Nelli Stromm ham joy olgan.