Edegor: "Santyago Bernabeu" stadioniga qaytish yoqimli bo‘lardi"

"Arsenal"ning hujumkor yarim himoyachisi va etakchilaridan biri hisoblangan Martin Edegor Chempionlar ligasi pley-off bosqichining ilk uchrashuvidan so‘ng keyingi bosqichda "Real Madrid" bilan duch kelishi mumkinligi haqida o‘z fikrlari bilan o‘rtoqlashdi. 
 
"Ayniqsa, "Bernabeu"ga qaytish yoqimli bo‘lardi. Avvalo, o‘z ishimizni tugatishimiz kerak, shundan so‘ng kim bilan o‘ynashimizni ko‘ramiz" - dedi norvegiyalik xavbek. 
 
Xabaringiz bor, Mikel Arteta boshchiligidagi "to‘pchilar" EChL nimchorak final bosqichining dastlabki bellashuvida Niderlandiyaning PSV klubini 7:1 hisobida mag‘lubiyatga uchratib, deyarli keyingi bosqich masalasini hal qildi. 


 
Ma’lumot o‘rnida, ikki klub o‘rtasidagi javob to‘qnashuvi 12 martdan 13 martga o‘tar kechasi soat 01:00 da bo‘lib o‘tishi rejalashtirilgan.