Eron ustozi: Eron dunyodagi eng tinch davlatlardan biri

10 oktyarb kuni O‘zbekiston terma jamoasi "JCh-2026" saralashi doirasida Eron terma jamoasiga qarshi maydonga chiqadi. Mazkur bellashuv oldidan tashkil etilgan matbuot anjumanida forslar bosh murabbiyi Amir Galenoy jurnalistlarni qiziqtirgan savollarga javob berdi. 

- Avvalambor hammaga assalomu alaykum. Katanetsning tezroq tuzalishiga umidvormiz. O‘zbekiston yaxshi terma jamoa. Ertaga bizda ko‘p imkoniyat bo‘lmaydi. Avvalgi bahslarda ko‘plab imkoniyatlarni ko‘kka sovurganmiz. Bu safar vaziyatlardan foydalanishga harakat qilamiz. 

- Albatta, ertangi bahs har ikki jamoa uchun muhim. Biz O‘zbekiston terma jamoasiga qarshi qanday o‘ynashni bilamiz. 3 ochko uchun qo‘limizdan kelgancha harakat qilamiz. 

Eron - BAA bahsi qaerda bo‘lgani jamoangiz uchun qulay?

- Bor e’tiborimizni ertangi bellashuvga qaratganmiz. Shuni aytmoqchimanki, Eron dunyodagi eng yaxshi va tinch davlatlardan biri hisoblanadi. 

- Ikki hafta oldin Eronda Elit Chempionlar ligasi o‘yinini o‘tkazganmiz. O‘sha bellashuv ancha yaxshi o‘tgandi. Hozirda biz bor e’tiborimizni O‘zbekistonga qarshi bellashuvga qaratganmiz.

- O‘zbekiston yaxshi futbolchilar juda ko‘p. Shukrki, biz ilk ikki o‘yinda gol o‘tkazib yubormadik. Biz O‘zbekistonni juda yaxshi o‘rganib chiqdik va ertangi bellashuvda 3 ochko qo‘lga kiritishga harakat qilamiz. 

- 50 yildan beri futbolni ichidaman va o‘z tajribamdan kelib chiqib shuni aytmoqchimanki, biz bor e’tiborimizni ertangi bahsga qaratmoqchimiz. 

"CAFA" finalida O‘zbekistonni yutgan edingiz? O‘zbekistonni o‘z maydonida yutish haqida fikr bildirsangiz?

O‘sha uchrashuv esimda. O‘zbekistonni mana shu stadionda yutgan edik va ertaga ham shu natijani takrorlashga harakat qilamiz.