Evropa kubogi. Birinchi kundanoq 3 ta medalni qo‘lga kiritdik!

Gruziya poytaxti Tbilisi shahri mezbonlik qilayotgan kadetlar o‘rtasidagi "European Cup" turnirining birinchi kungi bahslari yakunlandi. 

Bugun dzyudochilarimizdan uch nafari shohsupaga ko‘tarildi. Finalda raqiblariga imkoniyatni boy bergan Dinora Hasanova (-44 kg) va Muhammadkarim Nosirov (-60 kg) musobaqaning kumush medallariga sazovor bo‘ldi. Alina Kolyucheva (-40 kg) esa bronza medaliga ega chiqdi. 

Bronza medali uchun kechgan bellashuvlarda raqiblariga yutqazib qo‘ygan Hushnudbek Burxonov (-55 kg) va Dilshod Karimov (-60 kg) kuchli beshlikdan joy oldi. Bu xaqda O‘zbekiston dzyudo federatsiyasi xabar bermoqda.

Quyida terma jamoamizning musobaqadagi o‘rnini ko‘rishingiz mumkin.