Futzal, OCh-2018. O‘zbekiston yarim finalga chiqsa, Eron bilan o‘ynaydi

Xabaringiz bor ayni kunlarda Xitoy Taypeyi mamlakatida Futzal bo‘yicha Osiyo chempionati bo‘lib o‘tmoqda. Bugun mazkur turnirning chorak final o‘yinlari bo‘lib o‘tmoqda.

Hozirgina Eron hamda Tailand terma jamoalari o‘rtasidagi uchrashuv o‘z nihoyasiga etdi. Shiddatli tarzda kechgan qarama-qarshilikda forslar Xose Mariya Mendez boshqaruvidagi Tailandni 9:1 hisobida mag‘lub etdi va yarim final yo‘llanmasiga ega chiqdi.

E’tiborlisi, birozdan so‘ng boshlanadigan O‘zbekiston – Vetnam o‘yini g‘olibi esa yarim finalda aynan Eron terma jamoasiga qarshi bahs olib boradi.