Hayitmurod Sherqo‘ziev ham medallar uchun startga chiqadi!

Hozirgina para kanoe bo‘yicha VL-3 klassida erkaklar o‘rtasida 200 metrga yarim final sprint poygalari bo‘lib o‘tdi.

Unda ishtirok etgan hamyurtimiz Hayitmurod Sherqo‘ziev 51.450 soniya vaqt bilan marraga 2-o‘rinda etib keldi va final yo‘llanmasini qo‘lga kiritdi.

Hayitmurod Sherqo‘ziev ishtirokidagi final bahsi bugun Toshkent vaqti bilan soat 07:56 da boshlanadi. Hamyurtimizga omad tilab qolamiz.