Husniddin Aliqulov mashg‘ulotlarga qaytdi!
O‘zbekiston terma jamoasi va Turkiyaning "Rizespor" klubi markaziy himoyachisi Husniddin Aliqulov mashg‘ulotlarga qaytdi. Klub rasmiy sahifasi legionerimizning mashg‘ulotlarda qatnashayotgan rasmini joyladi.
25 yoshli himoyachi Turkiya Superligasi 27-turi doirasidagi "Bodrum"ga qarshi bahsning 44-daqiqasida jarohat olib, maydonni tark etgan edi. Shifoxonada o‘tkazilgan tekshiruvlardan so‘ng uning burni va yonoq suyagida sinish tashxisi qo‘yilgan edi.
Ma’lumot uchun, bugun O‘zbekiston milliy terma jamoasi JCh-2026 saralashi doirasida Eron bilan bellashadi va bahs 21:00da start oladi.
Fikrlar