"Inter" yozda Turanni sotib olmoqchi

Kataloniyaning “Barselona” klubi xavbeki Arda Turan yaqinlashib kelayotgan yozgi transfer davrida o‘z jamoasini o‘zgartirishi mumkin.

AS nashri tarqatgan xabarlarga ko‘ra Milanning “Inter” klubi turkiyalik futbolchining xizmatlariga jiddiy qiziqib qolgan. Ma’lumotlarga qaraganda “neradzurrilar” rahbariyati Turanni yozgi transferlar davrida qo‘lga kiritishni rejalashtirmoqda.

Ma’lumot uchun, Turan joriy mavsum Ispaniya La ligasining 18ta uchrashuvida maydonga tushgan va o‘z hisobiga 3ta gol hamda 3ta golli uzatma yozdirib qo‘yishga erishgan.